Екі жылдан бері гол соқпаған ҚПЛ шабуылшысы: РПЛ-ды армандаймын – Ла Лиганың қажеті жоқ

«Ертіс» шабуылшысы Вячеслав Швырев РПЛ-ға ауысу үшін Ла Лига клубынан бас тартатынын мәлімдеді, деп хабарлайды ASnews.kz.

«Әр футболшы АПЛ мен Ла Лиганы армандай бермейді. Мен РПЛ-да ойнағым келеді. Мүмкіндік болса, Испанияның орташа клубына бармас едім – Ресейдің топ-клубы жақсырақ. Екі жылға жуық уақыт голсыз қалғаным ба? Мұның бәрі өткен маусымның қиын болғанынан. «Ордабасыдағы» жарты жыл – үлкен қателік болды», – деді ойыншы «СAMERAMAN» подкастында.

Айта кетейік, 25 жастағы шабуылшы Вячеслав Швырев соңғы рет 2024 жылдың шілдесінде гол соққан. Премьер-лиганың 15-турында қазақстандық футболшы «Қайрат» сапында ойнап жүріп, «Шахтер» қақпасын дәл көздеген болатын (0:3).

Ал «Ордабасы» мен «Ақтөбе» сапында өткізген 17 матчта ол бірде-бір рет нәтижелі пас авторы атанған жоқ.

Бұған дейін Швырев шымкенттік клубқа көшу қателік екендігін мойындаған.