Швырев: «Ордабасыға» ауысқаныма өкінемін – тіпті ойнаған да жоқпын

«Ертіс» шабуылшысы Вячеслав Швырев 2025 жылы «Ордабасыға» ауысқанына өкінетінін мәлімдеді, деп хабарлайды ASnews.kz.

«Шымкентте ұпай жоғалттық. 92-минутта өте даулы пенальти белгіленді. Бұрынғы командама қарсы ойнау қандай сезім сыйлағанына келсек, мен бұған мән бермедім. Мұңайатын түгі де жоқ – мен «Ордабасыда» тіпті ойнаған да жоқпын. Жалпы, бұл ауысымды қателік деп санаймын. Шымкентке болған сапарға аса салқынқандылықпен қарадым», – деп мойындады 25 жастағы футболшы «СAMERAMAN» подкастында.

Дегенмен Швырев «Ақтөбедегі» кезеңін жылы лебізбен еске алды:

«Кейде желідегі жанкүйерлердің сынын қабылдау ауыр тиетін, бірақ мән бермеуге тырыстым. Оған қарсы істейтін амалым жоқ – алаңға шығып, бәрін іспен дәлелдеу керек. Десе де, «Ақтөбеде» жарты жыл ойнағаныма қуаныштымын. Фан-секторға әлі күнге дейін тәнтімін», – деп қосты ол.

«Ордабасы» мен «Ақтөбе» сапында өткізген 17 матчта Вячеслав Швырев бірде-бір нәтижелі әрекетімен көзге түскен жоқ.

Қаңтар айында Қазақстан жастар құрамасының экс-шабуылшысы қазіргі таңда чемпионатта сегізінші орында тұрған «Ертіспен» келісімшартқа отырды.