Қазақстан құрамасының бас бапкері штабқа шетелдік маманды шақырудан бас тартты

Қазақстан құрамасының бас бапкері Талғат Байсуфинов биыл отандық мамандардан құралған жаттықтырушылар штабы арқылы жұмыс істеуді көздеп отыр, деп хабарлайды ASnews.kz.

Бұған дейін Молдовадан келген ҚФФ-ның техникалық директоры Геннадий Скуртул өзінің жерлесі Дмитрий Васильевті ұлттық құрамаға аналитик ретінде шақыруды ұсынған еді. Алайда бұл жаңалық БАҚ пен әлеуметтік желілерде үлкен талқыға түсті.

Соған байланысты Байсуфинов ұлттық құрамаға Васильевті шақырудан бас тартып, аналитик-бапкер қызметіне қазақстандық маманды алуды жөн көрді.

Қазір бапкерлік штабтың құрамында Иван Азовский, Марат Еслямов және Елдос Ахметов бар. Қақпашыларды дайындауға Юрий Новиков жауап берсе, физикалық дайындыққа Мұхтар Еримбетов жауапты болады.

Ал Геннадий Скуртулдың бастамасымен федерация құрылымында тағы бір молдовалық маман – Игорь Шпанера жұмыс істеуде.