«Каспийдің» жаңа ойыншысы: бала кезімде Нанидің бутсысын армандадым, енді бәрі керісінше болады

«Каспийдің» португалиялық қорғаушысы Андре Амарал ASnews.kz сайтына берген сұхбатында «Ақтөбенің» жаңа ойыншысы Луиш Нанимен таныстығы жайлы айтты.

«Жас кезімде Нани ұйымдастырған турнирге қатыстым. Көп гол соғып, үздік сұрмергенге берілетін ерекше сыйлық – оның қолтаңбасы қойылған бутсыға сәл жетпей қалдым.

Енді міне, араға 13-14 жыл салып, біз бір-бірімізге қарсы ойнағалы тұрмыз. Мұндай мүмкіндікті жіберіп алуға болмайды – енді Луиш менің бутсымды армандасын (күлді)», – деді Амарал.

Лиссабондық «Спортингтің» экс-футболшысы Андре Амарал осы трансферлік кезеңде Пиралы Әлиев жаттықтыратын командаға қосылды. Соңғы айларда 26 жастағы орталық қорғаушы «Белененсеш» пен «Навал» сапында өнер көрсеткен.

«Ақтөбе» бірер күн бұрын Луиш Нанимен келісімшартқа отырғанын хабарлаған болатын. 39 жастағы вингер «Манчестер Юнайтед», «Валенсия», «Лацио» және «Фенербахче» сапында 300-ден астам матч өткізген.

Сондай-ақ Нанидің ауысуына «Қайраттың» экс-жартылай қорғаушысы Исаэль Барбоза да реакция білдірді.