Стас Покатилов «Манчестер Юнайтедке» қарсы ЧЛ матчына «Сабахты» капитандық белгімен шығады

Қазақстан ұлттық құрамасының қақпашысы Стас Покатилов 2026/27 жылғы УЕФА Чемпиондар лигасының жалпы кезеңінің бірінші туры аясында ағылшындық «Манчестер Юнайтедке» қарсы «Олд Траффорд» стадионында әзербайжандық «Сабахты» капитандық таңғышпен бастап шығады, деп хабарлайды ASnews.kz.

• «Манчестер Юнайтед» (бас бапкер – Майкл Каррик): Ламменс (Қ), Мазрауи, Лисандро Мартинес, Йоро, Доргу, Майну, Тилеманс, Бруну Фернандеш (К), Мбемо, Матеус Кунья, Шешко.

• «Сабах» (бас бапкер – Вальдас Дамбраускас): Покатилов (Қ, К) – Маккарти, Дашдамиров, Рахмоналиев, Нвачукву, Пэррис, Лепиньица, Микельс, Симич, Пухач, Зедадка.

«Манчестер Юнайтед» пен «Сабах» матчының тікелей көрсетілімі 10-нан 11 қыркүйекке қараған түні Қазақстан уақытымен сағат 00:00-де басталады және оны Qazsport телеарнасынан тамашалауға болады. Айта кетейік, бұған дейін бұл командалар өзара ешқашан кездеспеген.

«Манчестер Юнайтед» жаңа маусымның басында тұрақтылық танытпай, АПЛ-дың үш матчында небәрі төрт ұпай жинады. Соңғы ойында Майкл Карриктің шәкірттері «Эвертонмен» тең түсті (2:2).

Ал «Сабах» негізгі еурокубоктың жалпы кезеңіне іріктеудің өте қиын кезеңдерінен өтіп жетті. Негізгі раундқа барар жолда әзербайжандық ұжым кезекпен уэльстік ТНС (4:1), финдік КуПС (3:0), даниялық «Орхус» (5:2) және израильдік Беэр-Шеваның «Хапоэлін» (қосымша уақытта 6:4) жарыс жолынан шығарды. Англияға сапары алдындағы соңғы матчында қақпасында Покатилов тұрған «Сабах» ішкі біріншілікте 5:0 есебімен ірі жеңіске жетті.