«Барселона» Бакуге келеді: каталондықтар Чемпиондар лигасының жалпы кезеңіндегі қарсыластарын білді

Каталондық «Барселона» 2026/27 жылғы маусымдағы Чемпиондар лигасының негізгі кезеңіндегі қарсыластарын анықтады.

Жалпы кезеңде Ханси Фликтің шәкірттері сегіз кездесу өткізеді. «Көк-анар түстілердің» қарсыластары ағылшындық «Манчестер Сити» мен «Астон Вилла», француздық «ПСЖ», португалиялық «Спортинг», нидерландылық «Фейеноорд», түріктің «Галатасарайы», итальяндық «Комо», сондай-ақ әзірбайжандық «Сабах» болады. Осының арқасында испаниялық жұлдызды клуб Бакуде ойын өткізеді.

36 ұжымның қатысуымен өтетін негізгі раунд 2026 жылдың 8 қыркүйегінде басталып, 2027 жылдың 27 қаңтарында аяқталады. Үздік сегіз команда тікелей 1/8 финалға жолдама алса, 9-дан 24-орынға дейінгі клубтар плей-офф раундында (1/16 финал) бақ сынайды. Чемпиондар лигасының өткен маусымында «Барселона» ширек финалда мадридтік «Атлетикоға» екі кездесудің қорытындысы бойынша 2:3 есебімен жол беріп, жарыстан шығып қалған еді.