«Кім миллионер болғысы келеді?» бағдарламасынан ЧЛ-ға дейін дейін: Покатиловтың «Сабахтағы» бапкерінің хикаясы

Әзербайжандық «Сабахтың» бас бапкері Вальдас Дамбраускас өз тарихында алғаш рет клубты Чемпиондар лигасының жалпы кезеңіне алып шықты. Дегенмен, оның кәсіпқой футболдағы жолы телевизиялық шоудағы жеңістен басталған еді, деп хабарлайды ASnews.kz.

Телевикторина арқасында басталған мансап

2002 жылы 25 жастағы литвалық маман «Кім миллионер болғысы келеді?» (Šeši nuliai – milijonas) бағдарламасының жергілікті аналогіне қатысты. Ол кезде болашақ бапкердің тек инженерлік білімі ғана бар еді, үшінші дивизион клубында ойнап, бапкерлік мансап туралы армандайтын.

Интеллектуалды ойында Дамбраускас 4 000 лит ұтып алды – өзінің еске алуынша, ол кезде бұл сома Литвадағы жылдық жалақымен тең болатын. Ұтып алған ақшасын ол өз болашағына құюды шешті: Англияға аттанып, London Metropolitan University-ге спорт ғылымдары және бапкерлік іс факультетіне түсті. Жүлде ақшасы Лондондағы өмірдің бар болғаны бір айына ғана жетті, сондықтан оқуды қосымша жұмыстармен қатар алып жүруге тура келді.

Әуесқой лигалардан еуропалық жүлделерге дейін

Мамандықтағы алғашқы қадамдарын литвалық бапкер Англияда жасап, 2007 жылы қарапайым «Кингсбери Лондон Тайгерс» клубын басқарды. Отанына оралған соң ол Литва жасөспірімдер құрамаларымен жұмыс істеп, «Экранас» штабына енді, кейін «Жальгиристі» басқарып, онымен екі рет ел чемпионы атанды.

Кейін маманның мансабында латвиялық РФШ, хорватиялық «Горица», болгариялық «Лудогорец» (чемпионат алтыны), «Хайдук» (Хорватия кубогы), грекиялық ОФИ, кипрлік «Омония» және венгриялық «Диошдьёр» клубтары болды.

2025 жылдың жазында Дамбраускас «Сабахпен» үш жылдық келісімшартқа отырып, бір маусымның ішінде Әзербайжан футболы үшін тарих жасады.

Литвалық маманның басшылығымен «Сабах» ЧЛ іріктеуін бірінші раундтан бастап, уэльстік «Нью-Сэйнтс» (2:0, 2:1), финляндиялық КуПС (1:0, 2:0) және даниялық «Орхус» (1:2, 4:0) клубтарын кезең-кезеңімен жеңіп өтті.

Шешуші айқаста бакуліктер алғашқы ойында израильдік «Хапоэль» Беэр-Шеваға жол бергенімен (1:2), өз алаңында овертаймда қарсыласын ойсырата жеңді – 5:2 (жалпы есеп 6:4).

Іріктеу кезеңдерінің барлық матчтарында, соның ішінде Бакудегі 120 минуттық драмада «Сабах» қақпасын команда капитаны әрі Қазақстан құрамасының голкипері Стас Покатилов қорғады.

«Хайпсыз-ақ мықты екенін дәлелдеді»: Заруцкийдің Покатиловты құттықтауы Анарбековке тиісіп айтылған сөз ретінде қабылданды

Покатиловтың «Сабахы» Чемпиондар лигасында: қазақстандық қақпашы Әзербайжан футболының тарихына қалай енді