«Антальяспор» трансферлік тыйымға байланысты Карталды қатарына қоса алмайды

17 жастағы қазақстандық қақпашы Тимурхан Картал «Антальяспорға» ауыспай қалуы мүмкін, деп хабарлайды BorodAbata.kz. ФИФА санкцияларына байланысты клуб жаңа ойыншыларды тіркей алмайды.

Ұйым «Антальяспорға» тағы да трансфер жасауға тыйым салды: бұрынғы ойыншыларға қарыз болғандықтан, олар жаңа ойыншылармен, соның ішінде Карталмен де келісімшартқа отыра алмайды. Шілде айында «Антальяспор» 5 миллион еуро қарызын жауып үлгерді, енді тағы да 300 мың төлеуге міндеттелген екен.

Осылайша, қазақстандық қақпашы бұл командаға ауыспай қалуы ықтимал. Тимурхан екі турдан кейін Бірінші лигада көш бастап келе жатқан «Чорумға» қайта оралуы әбден мүмкін.

Осы жазда Эмре Белозоглу командасына Георгий Джикия, Лаутаро Джаннетти, Йеспер Сисей, Томаш Чванчара, Кеннет Пал және бірқатар жас ойыншылар қосылған болатын.