Литвалық журналист: Чебурин мен «Жальгирис» басшысы жақсы қарым-қатынаста

Литвалық комментатор әрі журналист Мантас Красницкас жергілікті жанкүйерлердің неліктен Владимир Чебуринге қарсы екенін түсіндірді. Қазақстандық маман «Жальгириспен» трофей жеңіп алған болатын.

«Жальгирис» ұзақ уақыт бойы қиындықтарға қарамастан жақсы нәтижеге қол жеткізді, бірақ бұл маусымды өте нашар бастады. Алдымен Чемпиондар лигасының іріктеу кезеңінде мальталық «Хамруннан», содан кейін Конференция лигасында Солтүстік Ирландияның «Линфилдінен» жеңілді. Жанкүйерлердің шыдамы таусылды: олар Чебуриннің отставкаға кетуін немесе, ең болмағанда, өзі жұмыстан кету туралы арыз жазғанын талап етті.

Литвада Чебурин мен басқарма төрағасы Вильма Венсловайтене арасында өте жақсы қарым-қатынастың бар екені ешкімге құпия емес. Жанкүйерлер басшылыққа тағы да таңдау жасауға мүмкіндік берді: не олар, не Чебурин. Вильма өз таңдауын жасады», - деді Красницкас BorodAbata.kz сайтына берген сұхбатында.

Сәтсіз серияның салдарынан «Жальгирис» жанкүйерлері «Каунаспен» (1:2) ойын кезінде алаңға чемодан лақтырған болатын. Тіпті «Чебурин, кет!» деген айқайға басты. 60 жастағы қарағандылық маман 2021 жылы клубты тізгіндеп, үш рет Литва чемпионы атанды.