Сәтпаевқа тағы бір бәсекелес пе? «Бернли» АПЛ-дың атақты шабуылшысына көз тікті

Ағылшындық «Бернли» ганалық шабуылшы Джордан Айюмен келісімшартқа отыру мүмкіндігін қарастыруда, деп хабарлайды ASnews.kz.

Түркиялық спорт журналисі Экрем Қоңырдың ақпараты бойынша, еркін агент мәртебесіндегі тәжірибелі шабуылшы «кларетстың» қызығушылығын тудырып отыр. Алайда, инсайдердің айтуынша, қазіргі уақытта ойыншымен келіссөздер жүргізуде «Блэкберн Роверс» фаворит саналады.

Егер трансфер сәтті өтіп, «Бернлиге» ауысса, Айю Ники Хайен командасының шабуыл шебіндегі орын үшін қазақстандық Дастан Сәтпаевқа тікелей бәсекелес болуы мүмкін. Еске сала кетейік, бұған дейін клуб сапын тағы бір атақты шабуылшы – 39 жастағы Джейми Варди толықтырған болатын.

Ал Дастан Сәтпаевтың өзі қазіргі уақытта «Мидлсброға» қарсы матчта алған тізе асты сіңірінің жарақатына байланысты ойындарды өткізіп жіберуде және лондондық «Челсидің» базасында оңалту курсынан өтіп жатыр.

Соңғы 11 жылда Айю Англияда тұрақты өнер көрсетті. Осы уақыт ішінде ол «Астон Вилла», «Суонси Сити», «Кристал Пэлас» және «Лестер Сити» намысын қорғап, Премьер-лигада мансабының айтарлықтай бөлігін өткізді. 2026 жылдың 1 шілдесінде оның «Лестермен» келісімшарты аяқталып, еркін агент атанды.

Ганалық футболшы – Франция чемпионы (2009/10), Франция лигасы Кубогының үш дүркін иегері, Франция Суперкубогының екі дүркін иегері. Бұл жүлделердің барлығын ол «Марсель» сапында жеңіп алған.

Клубтық деңгейде ол 608 матч өткізіп, 97 гол соқты және 58 нәтижелі пас берді.

«Варди Сәтпаевқа бәсекелес емес»: BBC тілшісі «Бернлидің» жұлдызды жаңа ойыншысы туралы