Құрамды тазалау: Дастан Сәтпаевтің «Бернлиінде» трансферлік мерзімнің соңғы күні қалай өтуде

«Бернлидің» бас бапкері Ники Хайен мен клуб басшылығы трансферлік терезенің соңғы күнінде белсенді жұмыс жүргізуде.

18 жастағы қазақстандық шабуылшы Дастан Сәтпаев өнер көрсететін ұжым дедлайн аяқталғанша бірнеше жаңа ойыншыны қатарына қосуды жоспарлап отыр, деп хабарлайды ASnews.kz Burnley Express басылымына сілтеме жасап.

Инсайдер Мэтт Скрафтонның ақпаратынша, Хайен үшін басты басымдық – шабуыл шебінің қапталдарын күшейту. Клубқа «Сандерлендтен» вингер Жоселин Та Би жалға алынуы мүмкін, сондай-ақ «Лидстен» Ларджи Рамазанидің толыққанды трансфері қарастырылуда. Жаңа ойыншылардың келуі соңғы матчтарда негізгі құрамда тұрақты өнер көрсетіп жүрген Сәтпаев бәсекелесетін шабуыл шебіне тікелей әсер етеді.

Сонымен қатар, клуб Башир Хамфрис жарақат алғаннан кейін сол жақ қаптал қорғаушысын издеуде («Брайтондағы» Игор Жулио үміткерлердің бірі), сондай-ақ 33 футболшыдан тұратын құрамды азайту мақсатында Джо Уорраллды «Рексемге» сатып, Лайл Фостер мен Майкл Обафемиге жаңа ұжым қарастыруда.

18 жастағы қазақстандық шабуылшы Дастан Сәтпаев «Бернли» сапында лондондық «Челсиден» жалға алу құқығымен өнер көрсетеді. Чемпионшиптің соңғы турында «Норвичке» қарсы кездесуде (1:4) Сәтпаев толық 90 минут бойы өнер көрсетіп, Flashscore сараптамалық порталының нұсқасы бойынша 7.5 бағасымен өз командасындағы ең үздік ойыншы атанды.

«Команданың үздігі»: Burnley Express сарапшысы – Дастан Сәтпаевтың Англиядағы феномені туралы