Өзбекстан құрамасының ойыншысы әрі Покатиловтың командаласы мансабын Францияда жалғастыруы мүмкін

Әзірбайжандық «Сабах» пен Өзбекстан құрамасының 23 жастағы тірек жартылай қорғаушысы Умарали Рахмоналиев франциялық «Ланстың» назарына ілікті, деп хабарлайды ASnews.kz.

Хавбектің трансферлік құны 1,2 млн еуроға бағаланып отыр. 2026/27 жылғы маусымдағы Чемпиондар лигасының іріктеуінде Рахмоналиев жеті матч өткізіп (барлығында бастапқы құрамда алаңға шықты), бір нәтижелі паспен көзге түсті. Осы жылдың наурыз айында жартылай қорғаушы FIFA Series турнирі аясында Габонға қарсы ойында Өзбекстан ұлттық құрамасы сапында дебют жасаған еді.

Бұған дейін бұл француз клубында Өзбекстан құрамасының қорғаушысы Абдуқодир Хусанов сәтті өнер көрсетіп, кейіннен «Манчестер Ситиге» атышулы трансфер жасаған болатын.

Әзірбайжандық «Сабахтың» капитаны – Қазақстан құрамасының қақпашысы Стас Покатилов. Жақында ол Ұлттар лигасының күзгі матчтарында Фарер аралдары, Словакия және Молдоваға қарсы ойындарға ұлттық құрама сапына шақырту алды.

25 тамызда «Сабах» Чемпиондар лигасының іріктеу плей-офф раундында израильдік «Хапоэльге» (Беэр-Шева) қарсы қарымта матч өткізеді. Алғашқы кездесу әзірбайжандық клубтың 1:2 есебімен жеңілісімен аяқталды.

Бехруз Каримов: өмірбаяны, толық ақпарат, жалақысы, жеке өмірі. «Луганоға» ауысуы