«Еуропалықтарға ащы шындықты айтамын»: «Ордабасының» экс-легионері ҚПЛ-дың басты мәселесін атады

«Ордабасы» мен Украина құрамасының бұрынғы қорғаушысы Игорь Пластун ASnews.kz сайтына берген сұхбатында ҚПЛ-ға әлемдік аренада табысқа жету үшін не жетіспейтінін айтты.

«Мен ҚПЛ-ды әр тур сайын бақылап отырамын. «Ордабасының» алаңда да, алаңнан тыс жерде де даму үстінде екеніне өте қуаныштымын. Оларға Кубокта және «Қайратпен» тартыс жүріп жатқан чемпионатта табыс тілеймін. Еліңізде мұндай командалардың көбейгенін қалаймын.

Бәсекелестік деңгейі неғұрлым жоғары болса, шетелдік футболшылар жергілікті клубтарға соғұрлым ынтамен келеді. Ал екіншісі – инфрақұрылым мәселесі, бұл туралы маған сұрақ қоятын еуропалықтарға ашық әрі шынымды айтамын. Егер лига өскісі келсе, осы бағытта жұмыс істеу керек», – деді Пластун.

Игорь Пластун «Ордабасыға» 2024 жылы болгариялық «Лудогорецтен» ауысқан болатын. Орталық қорғаушы шымкенттік клуб сапында 34 матч өткізіп, үш гол соқты.

Бүгінгі таңда 35 жастағы украиналық футболшы бельгиялық «Эйпенде» өнер көрсетеді. Бұған дейін ол «Гент» сапында да ойнап, танымал Джонатан Дэвид және Александер Сёрлотпен бірге алаңға шыққан.

«Генктің» қазақстандық шабуылшысына Еуропада баға берілді