«Сәтпаев, Палмер, Жоао Педро»: Алонсо қазақстандықты «Челси» жұлдыздарымен бір қатарға қойды

Лондондық «Челсидің» бас бапкері Хаби Алонсо Сиднейде өткен баспасөз мәслихатында 17 жастағы қазақстандық шабуылшы Дастан Сәтпаевты бөле-жара атап, оны «көктердің» шабуыл шебіндегі басты ойыншыларының тізіміне қосты, деп хабарлайды ASnews.kz.

«Тәртіп еркіндік сыйлайды»

Журналистердің Коул Палмерге берілетін тактикалық еркіндік пен шабуылды ұйымдастыру туралы сұрағына жауап берген испандық маман командадағы әрбір шабуылшы ұжымдық тәртіпке бағынуы тиіс екенін атап өтті:

«Тәртіп еркіндік сыйлайды. Нақты тапсырмалар мен міндеттер болғанда ғана алаңда шеберлігіңді көрсетіп, дұрыс шешім қабылдауға мүмкіндік туады. Бұдан бөлек, алаңдағы әрбір ойыншы мүлтіксіз орындауы тиіс негізгі қағидалар бар.

Ойыншылар мұны түсінеді деп сенемін – қазіргі футболдың талабы осындай. Коул (Палмер), Жоао (Педро), Морган (Роджерс), Джейми (Гиттенс), Дастан (Сәтпаев) – біздің шабуылдағы барлық ойыншымыз осы идеяны бойына сіңіруі керек», – деді Алонсо.

• Дебют және алғашқы гол: 28 шілдеде Сәтпаев австралиялық «Вестерн Сидней Уондерерске» қарсы жолдастық кездесуде (6:4) негізгі құрамда алаңға шығып, 6-минутта-ақ «көктер» сапындағы алғашқы голын соқты.

• Екінші матч: Сиднейде өткен «Тоттенхэмге» қарсы ойында (1:2) шабуылшы 70-минутта «Челси» сапындағы жалғыз голдың авторы Эстеваоны алмастырды.

• Келесі матч: Маусымашар турне аясындағы соңғы кездесуін Хаби Алонсоның шәкірттері 5 тамыз күні Гонконгта туриннің «Ювентусіне» қарсы өткізеді.

Сарапшы – Сәтпаевтың «Челсидегі» болашағы туралы: «Страсбурға» жалға беріледі