Қазақстан құрамасының Молдоваға қарсы матчқа аттану жоспары белгілі болды

Бүгін, 11 қараша күні футболдан Қазақстан ұлттық құрамасы Ұлттар лигасы аясындағы Молдова командасына қарсы сырт алаңдағы матчқа Кишиневке аттанады, деп хабарлайды ASnews.kz.

Ұшақ Түркістан қаласынан сағат 17:00-де ұшады деп жоспарланған. Қазақстандық делегация Молдова астанасына чартерлік рейспен жетеді, ал жолдағы уақыт шамамен бес сағатты құрайды. Еске сала кетейік, ойын 13 қарашада өтеді және Қазақстан уақытымен сағат 22:00-де басталады.

Джон ван 'т Схип шәкірттері алдағы кездесуге дайындықты «Түркістан Арена» стадионында өткізді. Бұл орынның таңдалуы табиғи көгалдың болуымен байланысты, өйткені Кишиневте командалар дәл сондай жабындыда ойнайды. C3 тобындағы турнирлік кестеге келетін болсақ, бүгінгі таңда он ұпай жинаған Словакия құрамасы көш бастап тұр. Молдова мен Фарер аралдары төрт ұпайдан жинап, екінші және үшінші орындарды бөлісіп тұрса, екі ұпайы бар Қазақстан төрттікті қорытындылап тұр.

Қазақстан құрамасы Ұлттар лигасының ағымдағы маусымындағы қорытынды матчын 16 қараша күні өз алаңында өткізеді – Астанада ұлттық құрама топ көшбасшысы Словакияны қабылдайды.