«Бенфиканың» экс-ойыншысы Еуропада өнер көрсететін жас қазақстандық шабуылшыға тілек білдірді

«Бенфика» мен Ресей құрамасының бұрынғы шабуылшысы Андрей Каряка ASnews.kz басылымына берген сұхбатында 16 жастағы Шыңғыс Әлікеевтің лиссабондықтардың негізгі құрамына өту мүмкіндігі туралы пікір білдірді.

«Қарапайым нәрселерден басқа кеңес айту қиын. Ең бастысы – Шыңғысты жарақаттар айналып өтсін. Құдай қалап, елдер арасындағы шекаралар жойылып, қазақтар Еуропаның үздік 5 чемпионаттарында ойнасын», – деді 48 жастағы ресейлік маман.

Еске сала кетейік, Астана тумасы Шыңғыс Әлікеев екі жылдан бері «Бенфика» академиясында өнер көрсетіп келеді. Өткен маусымда вингер 19 матчта 7 гол соқты. Бұған дейін ол Португалияның өзге клубы – «Эшторилде» ойнаған.

Андрей Каряка «бүркіттер» сапын 2005-2007 жылдар аралығында қорғады. Португалия Суперкубогы иегерінің еншісінде 17 ойында үш гол бар. Қазіргі таңда ол медиа-футболдағы «СКА-Ростов» клубын басқарады.

Жас қазақстандық футболшы еуропалық клубқа жеңіс сыйлады: видео