Фофана Сәтпаевтен қашуда: «Челсидің» Аустралиядағы жаттығуынан Дастанның жаңа суреттері жарияланды

Желіде лондондық «Челсидің» Сиднейдегі жаттығу лагерінен 17 жастағы қазақстандық шабуылшы Дастан Сәтпаевтың әсерлі фотосуреттері жарияланды.

«Қайрат» түлегі «көктердің» негізгі құрамымен бірге Хаби Алонсоның басшылығымен толыққанды маусымалды дайындықтан өтуде. Кадрлардың бірінде лондондықтардың француздық қорғаушысы Уэсли Фофананың жас қазақстандық форвардтың прессингінен сытылып шығуға тырысқан сәті түсірілген.

Жанкүйерлер ауқымды жазғы турне аясында Сәтпаевтың лондондықтардың негізгі құрамындағы дебютін асыға күтуде.

«Көктердің» ауқымды жазғы турнесі Сиднейде басталады, онда 83 мыңдық Accor Stadium аренасында команда 28 шілдеде «Вестерн Сидней Уондерерспен» кездеседі, ал 1 тамызда «Тоттенхэмге» қарсы дерби өткізеді. Содан кейін лондондықтар Гонконгқа «Ювентуспен» өтетін кездесуге аттанады (5 тамыз), кейін Джакартада «Миланмен» (8 тамыз) және Малайзияда «Джохор Дарул Тазиммен» (9 тамыз) ойнайды. Маусым басталар алдындағы басты репетиция 15 тамызда Лондонда, «Стемфорд Бридж» стадионында «Реал Сосьедадқа» қарсы өтеді.

Еске сала кетейік, «Қайрат» түлегінің лондондық клубпен ресми толыққанды келісімшарты тамыз айында – футболшы 18 жасқа толған бойда күшіне енеді.

«Гуаль Сәтпаевтің орнын алмастыра алмайды деп айтқан жоқпын»: Антич «Қайрат» шабуылшысының «Челсиге» ауысуы туралы сөзін түсіндірді