Қазақстандық футболшы «Генкпен» бірге халықаралық турнирде күміс жүлдегер атанды

Қазақстандық Шахмұрат Дәулетов Isr Elite Cup турнирінің күміс жүлдегері атанды. Жастар арасындағы турнирдің финалында «Генк» U16 пенальтилер сериясында «Атлетикоға» (Мадрид) есе жіберді, деп хабарлайды BorodAbata.kz.

Нидерландыда өткен жарысқа «Спортинг», «Бавария», «АЗ», «Силкеборг» және басқа да атақты клубтардың талантты футболшылары қатысты. Топтық кезеңде Шахмұраттың командасы бірде-бір жеңілістің дәмін таьпады, ал қазақстандық футболшы бір нәтижелі паспен көзге түсті.

Алдағы маусымда «Қайрат» академиясының бұрынғы ойыншысы 18 жасқа дейінгі жастар тобында өнер көрсетеді. Өткен жылы бұл команда Бельгия чемпионатында топ жарды.