Тимур Турлов және ҚФФ: шешуші таңдау жасауы керек кандидат

Қарағандыда Тимур Турлов басқаратын облыстық футбол ассоциациясының (ҚОФА) есеп беру конференциясы өтті.

Қазақстан футбол федерациясындағы (ҚФФ) созылып кеткен дағдарыс аясында кәсіпкердің кандидатурасы ұйым басшылығына ықтимал үміткер ретінде жиі талқылана бастады.

Турловты қолдаушылар оның спорттағы басқарушылық тәжірибесіне назар аударады. Жасөспірімдердің QJ League жобасы ізбасарлар үшін тұрақты жарыс жүйесін қалыптастырды. Кәсіпкердің құрылымдарына өткен қарағандылық «Шахтер» бірінші лигада сенімді көш бастап, ҚПЛ-ға оралуға дайындалып жатса, ҚОФА бұқаралық футболды дамытуға басымдық беруде. Турлов мемлекеттік бюджетке көз сүзбей-ақ, жеке капитал тартып, инфрақұрылымды ретке келтіруге болатынын дәлелдеді.

Дегенмен, тіпті ең тиімді менеджменттің өзі басты факторға – бірінші басшының уақытына келіп тіреледі. Лауазымдарды қатар алып жүру моделінің іс жүзінде қалай жұмыс істейтінін қазір де көріп отырмыз. ҚФФ-ның қазіргі басшысы Марат Омаров назарын футбол мен Бәсекелестікті қорғау және дамыту агенттігінің (БҚДА) төрағасы қызметі арасында бөлуге мәжбүр.

Ұлттық құраманың осы кезеңдегі көрсеткіші бәрін айтып тұр: 12 ресми матчта команда небәрі екі жеңіске жетті – екеуі де Лихтенштейнге қарсы. Жақында Фарер аралдарымен болған тең ойын (2:2, қазақстандықтар 0:2 есебімен ұтылып жатып, қарсылас сапынан футболшы қуылғаннан кейін ғана есепті теңестірді) футболды қосымша жұмыс ретінде басқаруға болмайтынын айқын көрсетті.

Ал Тимур Турловтың алдындағы міндеттер ауқымы бұдан да кең: 2026 жылдың қыркүйегінде ол Халықаралық шахмат федерациясының (ФИДЕ) президенті болып сайланды. Жоғары деңгейдегі халықаралық ұйымды басқару, ірі бизнесті айтпағанда, үнемі іссапарларда болуды және колоссальды назар аударуды талап етеді.

Турловтың кандидатурасын ұсыну – оның активтері мен сәтті жергілікті деңгейдегі жобаларын ескерсек, қисынды қадам. Бірақ бұл табысты ұлттық деңгейде қайталау үшін ол саналы түрде таңдау жасап, футболды бірінші орынға қоюы тиіс. Бірінші басшы толықтай іске кіріспесе, қазақстандық футболдың күрделі бюрократиялық машинасын қайта құру ешкімнің қолынан келмейді.

Балық зауытының жұмысшысы мен фитнес-бапкер: Қазақстан кімнен ұтылуға жақын болды?