«Жетістік мемлекет пен бизнестің бірігуі арқылы келеді»: Шох Қарағандыдағы «Шахтер» инфрақұрылымының дамуын тексерді

Freedom QJ League президенті және «Шахтер» ФК директорлар кеңесінің төрағасы Рохус Шох жұмыс сапарымен Қарағандыға барып, өңірдегі негізгі спорт нысандарының құрылысы мен қайта жаңартылу барысын, сондай-ақ балалар мен жасөспірімдер футболының дамуын бағалады.

Сапар аясында Рохус Шох Қарағанды облысының әкімі Ермағанбет Бөлекпаевпен кездесті. Олар бірлесе отырып құрылысы жүріп жатқан «Шахтер» академиясын инспекциялады, оның қазіргі базасы – тәрбиеленушілердің тұрғын үй корпусы, асханасы мен демалыс орындарын аралады, сонымен қатар Орталық «Шахтер» стадионы мен Сұрыптау шағынауданындағы «Локомотив» стадионын қайта жаңарту жұмыстарының барысымен танысты.

«Менің сапарым – бұл күнделікті жұмыстың бір бөлігі. Сапар өте жемісті болды, мен «Шахтер» академиясының даму қарқынына көңілім толады. Әсіресе бізге жан-жақты қолдау көрсетіп отырған Қарағанды облысының әкімі Ермағанбет Бөлекпаевпен кездесу өте маңызды болды. Біз балалар мен жасөспірімдер футболын дамытудың негізгі бағыттарын, өңірдің спорттық инфрақұрылымын жетілдіруді және бірлескен жобаларды жүзеге асыруды талқыладық.

Мен әрқашан табыс формуласы – мемлекет пен бизнестің күш біріктіруінде деп айтамын. Бір жағынан – Freedom Holding Corp. және оның бас атқарушы директоры Тимур Русланұлы Турловтың жеке инвестициялары болса, екінші жағынан – өңірдің спорттық инфрақұрылымын дамытуға инвестиция құйып жатқан әкімдіктің сындарлы өзара іс-қимылы мен қолдауы. Дәл осындай серіктестік жаңа буын спортшыларын тәрбиелеуге жағдай жасайды және сайып келгенде, дені сау ұлтты қалыптастыруға ықпал етеді», – деп атап өтті Рохус Шох.

Сортировка ықшамауданындағы «Локомотив» стадионын қайта жаңарту Freedom Holding Corp. пен Тимур Турловтың белсенді қолдауымен жүзеге асырылуда.

Делегация «Шахтер» академиясында жасалған тұрмыстық және оқу процесін жоғары бағалап, заманауи инфрақұрылым мен сапалы білім беру ортасы жас ойыншылардың жан-жақты дамуының басты құрамдас бөлігі екенін атап өтті.