ФИФА-ның экс-төрешісі «Ақтөбе» қорғаушысының дөрекі ойыны туралы: мұндай жағдайда пенальти берілмейді

ФИФА-ның бұрынғы төрешісі Сергей Лапочкин ASnews.kz сайтына берген сұхбатында Қазақстан Кубогының 1/8 финалындағы «Ақтөбе» мен «Елімай» (2:1) арасында өткен ойындағы даулы сәт туралы пікір білдірді.

Ерланов басымдыққа ие болды

«Бұл өте күрделі әрі қызықты сәт. Мұнда нақты жауабы жоқ бірнеше сұрақ бар. Біріншіден: доп ойында болды ма, әлде сызықтан шығып кетті ме? Егер шығып кетсе, пенальти туралы сөз қозғау мүмкін емес. Екінші мәселе – VAR қақпа сыртындағы ракурсты түсіріп үлгерді ме?

Төреші дұрыс позицияда тұрды, бірақ алдында футболшылар көп болғандықтан, барлық детальдарды физикалық тұрғыдан көре алмады. Алайда, қорғаушының (Ерланов – ред.) допқа бірінші жеткені байқалады: ол допты бақылауда ұстап, сол аяғымен теуіп жібермек болды, бірақ тепе-теңдігін жоғалтты. Шабуылшы (Әшірбек) артқы жақта болды, ал түйісу кездейсоқ сияқты көрінеді».

Қарсыласын тұрғызуға тырысқаны қате болды

«Мұндай жағдайда Ресейде де, Чемпиондар лигасында да ешкім пенальти белгілейді деп ойламаймын. 11 метрлік айып добын беру үшін дөрекілік айқын болуы керек. Сонымен қатар, «Ақтөбе» ойыншысына спорттық емес мінез-құлқы үшін сары қағаз қателікпен көрсетілген жоқ – оның соңындағы әрекеті жаппай қақтығысқа себеп болуы мүмкін еді», – деп есептейді сарапшы.

Еске салайық, «Ақтөбе» португалиялық жұлдыз Луиш Нанидің дублының арқасында жеңіске жетті. Турнирдің келесі кезеңінде «ақ-қызылдар» «Ұлытаудан» басым түскен (4:3) «Алтаймен» ойнайды.

Сергей Лапочкин – Ресейдегі 2018/19 жылғы маусымның үздік төрешісі. Чемпиондар лигасы мен Еуропа лигасының матчтарында төрелік еткен.