Тұяқбаев Румынияға айып соққысынан соққан голы туралы: мансабымдағы ең әдемі голдардың бірі

«Қайрат» пен Қазақстан U-19 жасөспірімдер құрамасының шабуылдаушы жартылай қорғаушысы Азамат Тұяқбаев ASnews.kz порталына берген сұхбатында Румынияға қарсы матчта (2:0) соққан голы туралы айтып берді.

«Бұл голды «Спортингтің» қақпасына соққан бірінші голыммен бірдей деңгейде бағалаймын – әзірге бұлар менің мансабымдағы ең әдемі әрі ең маңызды голдар», – деді 18 жастағы әмбебап ойыншы.

Айта кетейік, Еуропа чемпионатының элиталық іріктеу кезеңінің бірінші турындағы ойында Тұяқбаев нәтижелі паспен де көзге түсті.

Былтыр қыркүйек айында ол УЕФА Жасөспірімдер лигасында португалиялық «Спортингтің» қақпасына екі гол (дубль) соққан болатын (2:3).

Алматылық клубтың түлегі өз мансабында барлық турнирлерді қоса алғанда жалпы саны 49 гол соққан.