Кенжебектің агенті – «Ахматтағы» жағдай туралы: Черчесов оған сенеді

Ғалымжан Кенжебектің агенті Мамука Ломидзе ASnews.kz сайтына берген сұхбатында қазақстандық футболшының «Ахматтағы» жағдайы туралы айтып берді.

«Алаңдауға ешқандай негіз жоқ, Ғалымжанның жағдайы жақсы. Оның негізгі құрамға енуі үшін міндетті түрде ойынын жақсарту керек деп айтуға болмайды – бұл жаңа клубқа ауысқаннан кейін болатын қалыпты үдеріс. Мен күн сайын жаттығулар туралы мәлімет алып отырамын және оның қаншалықты кәсіби футболшы екенін көріп жүрмін.

Ең бастысы – Годи жүз пайызға дайын және мүмкіндік туған сәтте «Ахматқа» көмектеседі. Станислав Саламовичпен де бәрі жақсы, бапкер оған сенеді. Самородовты еске түсіріңіз: ол алғашқы үш айда ойнаған жоқ, ал қазір өте нәтижелі футбол көрсетіп жүр», – деді грузиялық функционер.

Өткен маусымда «Қайрат» клубының түлегі «Елімай» сапында 11 матчқа қатысып, 6 гол соқты, 4 нәтижелі пас берлі. Бұған дейін кипрлік «Акритас» және словакиялық «Кошице» клубтарында да өнер көрсеткен.