«Локомотивтің» экс-президенті – Самородов туралы: соңғы ойында жақсы қырынан көрінді

Бұрын «Локомотив» клубының президенті әрі бас директоры болған Илья Геркус ASnews.kz сайтына берген сұхбатында «Ахмат» шабуылшысы Максим Самородовтың мәскеуліктерге қарсы ойынына (2:2) баға берді.

«Менің ойымша, «Ахмат» матчты өте жақсы бастады: шабуылдары қауіпті болды және Самородов допқа бірінші болып жетіп, есепті еселеді. Жалпы, ол бұл ойында жақсы қырынан көрінді. Сондықтан ойынның нәтижесі де заңды деп ойлаймын.

Қонақ команданың дайындығы мен ойынға деген жігерін ерекше атап өткім келеді. Сондай-ақ олардың бас бапкері Станислав Саламович Черчесовті әрдайым құрметтеймін. Ол – өте мықты маман. Өкінішке қарай, қазір «Локомотив» күздегідей жарқын ойын көрсете алмай жүр», – деді функционер.

Ресей Премьер-лигасының 20-турында қазақстандық вингер Максим Самородов «Ахмат» командасына сырт алаңда бір ұпай алуға көмектесті. Ол 26-минутта «Локомотив» қақпасына гол соқты. Бұл – оның осы маусымдағы төртінші голы.

Илья Геркус «Локомотив» клубын 2016–2019 жылдары басқарған. Сонымен қатар ол «Зенит» пен «Торпедо» клубтарында да жұмыс істеген.