Қазақстандық шабуылшы Испания аймақтар чемпионатын жеңіп алды

«Валенсия» академиясының 14 жастағы шабуылшысы Ғабидолла Оразалы жасөспірімдер арасындағы Испания аймақтар турнирінің жеңімпазы атанды, деп хабарлайды ASnews.kz.

Қазақстандық футболшы турнирдің финалдық ойынына қатысты, онда Валенсия қауымдастығының құрамасы Каталония командасын 2:0 есебімен жеңді. Оразалы екінші таймда, матчтың 70-минутында алаңға алмасуға шықты:

«Алғаш рет өңір құрамасына шақырылу – үлкен қуаныш пен жауапкершілік болды. Бала үшін де, біз үшін де ұмытылмас сәт. Себебі Валенсия құрамасына түсу үшін көптеген сатылардан өту керек, бұл – ең мықты ойыншылардан жасақталған команда», – деді Оразалының әкесі.

«Астана» футбол орталығының бұрынғы шабуылшысының ата-анасының айтуынша, жаңа командаластары оны жылы қабылдаған:

«Командадағы жігіттер Ғабидолланы тез қабылдады, атмосфера жақсы болды. Себебі бір-бірімен кездесіп жүрген ойыншылар. Құрама өз жоғары класын көрсетті, нәтижесінде Испанияның U-14 санатында чемпион атанды».

Сонымен қатар, «жарқанаттар» түлегі Мадридтің үздік футболшыларына қарсы жартылай финалдық ойында (3:1) 30 минут өнер көрсетті. U-14 Кубогының алты маусымында валенсиялықтар екінші рет жеңіске жетіп отыр.