Қазақстандық қорғаушы «Левантенің» жеңіске жетуіне көмектесті

«Леванте» клубының 17 жастағы қазақстандық қорғаушысы Шыңғыс Калиев Испанияның жасөспірімдер чемпионатында «Альбораямен» болған матчқа қатысты, деп хабарлайды ASnews.kz.

Павлодар қаласының тумасы ел чемпионатының 18-туры аясындағы кездесуге негізгі құрамда шықты. Екі гол соққан «Леванте» лигадағы басты аутсайдердің бірі саналатын «Альбораяны» 2:1 есебімен жеңді.

Осы нәтижеден кейін «Леванте» турнир кестесіндегі үздік алты команданың қатарына кірді. Көш бастап тұрған «Вильярреалдан» 8 ұпайға артта қалып келеді.

Биылғы маусымда Шыңғыс Калиев 12 матч өткізіп, бір гол соқты. Бұған дейін ол «Ертіс» пен «Қайрат» клубтарының жүйесінде өнер көрсеткен.