«Юнайтедтегі» қазақ маман – Промес жайлы: ол Ислам дінін қабылдады – қылмыс жасағанына сенбеймін

«Юнайтед» футбол клубының маркетологы әрі SMM-маманы Темірлан Сандыбаев ASnews.kz сайтына берген сұхбатында «Спартак» пен «Аякстың» бұрынғы шабуылшысы Квинси Проместің өміріндегі өзгерістер туралы айтты.

«Промес лиганың жұлдызды ойыншысы секілді қалағанын істейтін. Бір матчта есеп 8:2 болып аяқталып, сол ойында ол бірден бес гол соқты. Басқалардан айқын дараланып тұрды. Чемпионатқа деген құрметім зор, бірақ Квинсидің деңгейі одан әлдеқайда жоғары. Өкінішке орай, заң мәселесіне байланысты клуб оны сақтап қала алмады. Ал күнделікті өмірде ол жаман адам болған жоқ.

Туысына пышақ жарақатын салды және кокаин контрабандасына қатысы бар деген айыптауларға сенемін бе? Квинсиге қарап ондай адам деп айту қиын. Әмірліктерде жүргенде ол ислам дінін қабылдаған шығар. Проместің қылмысқа баруы мүмкін деп ешқашан ойламаппын», – деді Сандыбаев.

34 жастағы Нидерланд футболшысы 2024–2025 жылдары «Юнайтед» клубында ойнады. Екі бірдей қылмыс бойынша Промес қазіргі уақытта қамауда отыр. Белгілі еуропалық клубтардың бұрынғы ойыншысы шамамен сегіз жылға бас бостандығынан айырылуы мүмкін.

Шетелдік БАҚ мәліметінше, жуырда Промес ислам дінін қабылдап, есімін Мұхаммед деп өзгерткен.

Темірлан Сандыбаев өткен жылдың жазынан бері Андреа Пирло жетекшілік ететін команданың құрылымында жұмыс істейді. Команда елдің ең жоғарғы дивизионына шығу үшін күресіп жүр.