ҚФФ президенті Марат Омаров Қазақстан құрамасының сәтсіздіктері аясында инстаграм-аккаунтын өшіріп тастады

Қазақстан футбол федерациясының (ҚФФ) президенті Марат Омаров ұлттық құраманың Ұлттар лигасындағы сәтсіздігі мен жанкүйерлер тарапынан күшейген сын толқынынан кейін инстаграм желісіндегі парақшасын өшіріп тастады.

Фарер аралдарына қарсы үйдегі тең ойыннан (2:2) кейін әлеуметтік желілерде жанкүйерлердің сыны күшейе түсті. Бірқатар спорттық басылымдар ұлттық құраманың қазіргі нәтижелеріне алаңдаушылық білдіріп, ҚФФ басшылығының ауысуы мүмкін екенін талқыға салды.

Статистикаға сүйенсек, Омаров 2024 жылдың желтоқсанында қызметке кіріскеннен бері Қазақстан құрамасы әлем чемпионаты іріктеу мен Ұлттар лигасы аясында 12 матч өткізіп, небәрі екі жеңіске (екеуі де Лихтенштейнге қарсы) жетті, төрт рет тең түсіп, алты мәрте жеңіліс тапқан.

Оқырмандар Марат Омаровтың инстаграмдағы жеке аккаунты деактивацияланғанына назар аударған. Оның профиліне сілтеме арқылы өткенде «Парақша қолжетімсіз» деген жүйелік хабарлама шығады.

УЕФА Ұлттар лигасының 2026/27 жылғы маусымында Джон ван ’т Схип жаттықтыратын Қазақстан құрамасы С дивизионында (3-топ) өнер көрсетуде. Төрт турдың қорытындысы бойынша команда небәрі екі ұпай жинап, топта соңғы орында тұр (Фарерлермен 1:1 және 2:2 тең ойын; Словакиядан 1:2, Молдовадан 1:2 жеңіліс). Фарер аралдарына қарсы соңғы үйдегі матчта қазақстандықтар 0:2 есебімен ұтылып жатып, қарсылас 10 адаммен қалғаннан кейін ғана жеңілістен әзер құтылды.

«Футбол – біздің негізгі жұмыс емес»: Қазақстанмен тең ойнаған Фарер құрамасының ойыншысы ағынан жарылды