Матч орталығы
«Командаға мұндай футболшылар қажет»: «Тобыл» президенті – Тағыберген туралы
22 қараша, 12:47

Қостанайлық «Тобыл» клубының президенті Айдос Дүйсенбиев жартылай қорғаушы Асхат Тағыбергенмен келісімшарт мерзімін ұзарту туралы шешімге пікір білдірді, деп хабарлайды ASnews.kz.
Клуб басшысы хавбектің көшбасшылық қасиеттерін атап өтіп, оның құрамда болуы алдағы маусымда командаға көмектесетініне сенім білдірді.
«Командаға мұндай футболшылар қажет. Асхаттың тәжірибесі мол, көшбасшылық қасиеттері бар және клубтың талаптарын жақсы біледі. Оның тәжірибесі мен кәсібилігі жаңа маусымда команданың жоғары нәтижелерге қол жеткізуіне көмектеседі деп сенеміз», – деп келтіреді Дүйсенбиевтің сөзін қостанайлықтардың баспасөз қызметі.
Еске сала кетейік, Асхат Тағыберген «Тобыл» сапына 2025 жылдың наурызында қайта оралды. Бұған дейін жартылай қорғаушы команда намысын екі мәрте қорғаған (2017 жылы және 2021–2023 жылдар аралығында). Қостанайлық клубпен бірге футболшы Қазақстан чемпионы, ел Кубогының иегері және Суперкубоктың екі дүркін жеңімпазы атанды.
Ахмет Ержанов