Бес сатыға төмен сырғыдық: Қазақстан құрамасының ФИФА рейтингіндегі орны белгілі болды

Қазақстан құрамасы Ұлттар лигасының жаңа маусымы аясында үш матч өткізгеннен кейін ФИФА рейтингіндегі позициясын нашарлатып алды, деп хабарлайды ASnews.kz.

3 қазандағы мәліметке сәйкес, қазір ұлттық құрама рейтингте 111-орыннан 116-орынға түсіп кетті.

Джон ван’т Схиптің командасы осы халықаралық үзіліс кезінде Фарер аралдарымен тең ойнап (1:1), Словакия (1:2) және Молдовадан (1:2) ұтылып қалды.

Ал топтағы қарсыластарымызға келсек, Словакия сол баяғы 45-орынын сақтап қалса, Фарер аралдары екі саты төмен сырғып, 125-орынға жайғасты. Ал кеше Қазақстанды жеңген Молдова құрамасы екі саты жоғары көтеріліп, 157-орынға табан тіреді.

Қазақстан құрамасы келесі ойынын 6 қазанда Фарер аралдарына қарсы өткізеді. Әзірге еліміздің басты командасы бір ұпаймен өз тобында ең соңғы орында келеді.