Матч орталығы
«Әділ бәсекелестікті қолдаймын»: ҚПЛ ойыншысы – легионерлер лимиті туралы
18 қараша, 18:11

Фото: Аслан Ахмедов
«Ұлытаудың» жартылай қорғаушысы Аслан Ахмедов ASnews.kz сайтына берген сұхбатында ҚПЛ-дағы легионерлер лимитінің қатаңдатылуына қатысты пікір білдірді.
«Қазақстандықтарға көбірек мүмкіндік беру керек деп есептеймін, бірақ лимиттің өзі ойыншыны мықты етіп жібермейді. Егер легионерлер саны тоғызға дейін қысқарса, жергілікті футболшылар көбейеді, алайда құрамдағы орын ойын деңгейінің арқасында емес, шектеулердің кесірінен алынатын жасанды бәсекелестік қаупі бар.
Мен әділ бәсекелестікті қолдаймын. Қазақстандық ойыншы алаңдағы орнын автоматты түрде емес, өз күшімен ақтауы тиіс», – деді 22 жастағы жартылай қорғаушы.
Еске сала кетейік, алдағы маусымда премьер-лига командалары тоғызға дейін шетелдік футболшыны тіркей алады. Ал 2028 жылға қарай легионерлер саны сегізге дейін қысқарады деп күтілуде.
Аслан Ахмедов – алматылық «Қайраттың» түлегі. Өткен маусымда оң қапталдағы жартылай қорғаушы барлық турнирлерде 14 матч өткізіп, бір гол соқты және бір нәтижелі пас берді.
«Ордабасы» президенті – қазақстандық футболшылар жайлы: аузына келген жалақыны сұрауда
Әлишер Аманжол