Словакиялық сарапшы Вайсстың Қазақстанға қарсы не дайындап жатқанын айтты

Словакиялық Denník Šport басылымының журналисі Мирослав Анто Ұлттар лигасы аясындағы Қазақстанға қарсы матч қарсаңында Словакия құрамасының бас бапкері Владимир Вайсс пен команданың жағдайы туралы пікірімен бөлісті, деп хабарлайды ASnews.kz.

«Вайсс сол екі матчқа қатты мән береді деп ойламаймын, өйткені төрт жылдан астам уақыт өтті. Осы уақыт ішінде екі командада да көптеген ойыншылар ауысты деп есептеймін.

Владимир Вайсс – словак футболындағы ең тәжірибелі әрі табысты бапкер. Ол клубтық деңгейде де, құрамаларда да бүкіл мансабында жинақтаған орасан зор тәжірибесін әкеледі. Ол қай жерде жұмыс істесе де табысқа жетті: «Қайратта», «Слованда», Словакия құрамасын әлем чемпионатына алып шықты, Грузия командасын жаттықтырды, ал осыдан бір-екі маусым бұрын «Слованмен» Чемпиондар лигасында ойнады. Бұл тәжірибе – оның командаға беретін басты дүниесі. Осындай жетістіктерінің арқасында ойыншылар оған сенеді.

Қазір оның қарамағында тамаша құрам бар. Барлығының дені сау, бұрын бізге осы жиі жетіспейтін. Барлық футболшыларға сенім арта алмайтын матчтарымыз көп болды. Бірақ қазір бәрі сапта, бүгінгі жетістігіміздің кілті дәл осы команданың жүз пайыздық дайындығы болуы тиіс», – деп атап өтті Анто.

Словакия мен Қазақстан құрамалары Ұлттар лигасының екінші туры аясында бүгін, 29 қыркүйекте кездеседі. Матч «Кошице футбол аренасында» өтеді және Астана уақытымен 23:45-те басталады.

«Қазақтар Словакияға қарсы лайықты өнер көрсетеді»: Молдова құрамасының бұрынғы футболшысының болжамы