«Болоньяға» керек, бірақ Қазақстанға керек емес: Мурадов ҚФФ-мен сөйлесуі жайлы

Италиялық «Болоньяның» 18 жастағы жартылай қорғаушысы Омар Мурадов ASnews.kz тілшісіне берген сұхбатында Қазақстан құрамасы сапында өнер көрсету мүмкіндігі туралы пікір білдірді.

«ҚФФ-мен диалог болды ма? Жоқ, мен мүлдем жоқ адам сияқтымын, маған ешкім хабарласқан жоқ. Бұйырса, 2027 жылдың жазында «Болоньяға» қосыламын, ал қазір атын әзірге атай алмайтын клубпен келіссөздер жүргізіп жатырмын. Құрамаларға келетін болсақ, жасөспірім ретінде кез келген елдің намысын қорғауға құқығым бар», – деді футболшы.

Айта кетейік, Омар Мурадов – Алматы қаласының тумасы әрі Қазақстан азаматы. Өткен маусымда шабуылдаушы жартылай қорғаушы «Сумгаит» U-17 құрамында Әзербайжан чемпионы атанды. Ұлты шешен футболшы 35 ойында 14 гол соғып, тоғыз нәтижелі пас берген.

Еске сала кетейік, италиялық «Болоньяның» жаңа ойыншысы Словакияда өтетін Youth Nations Cup матчтарына Қазақстанның U-19 құрамасына шақырту алған ойыншылар тізіміне енбей қалды. Тимур Қасымовтың командасы Швейцария, Польша, сондай-ақ жарыс қожайынымен кездеседі.

Қоса кетейік, құрамаға шақыртылған тоғыз жартылай қорғаушының сегізі – алматылық «Қайраттың» түлектері.

«Жуырда бәрі шешіледі»: «Генк» сұрмергені Қазақстан құрамасы сапында қашан ойнайды