«Ахмат» ардагері Самородов туралы: осындай серпілістен кейін Еуропаға кетуі мүмкін

«Ахматтың» бұрынғы шабуылшысы Шамиль Лахиялов ASnews.kz сайтына берген сұхбатында грозныйлық клубтың қазақстандық футболшысы Максим Самородовтың өнеріне баға берді.

«Самородов өткен маусымның өзінде-ақ жақсы әсер қалдырған болатын, ал чемпионаттың көктемгі бөлігінен бастап оны «Ахматтың» шешуші ойыншысы деп атауға толық негіз бар. Соңғы төрт матчта тұрақты түрде ұпай жинап жүр. Оған РПЛ-дың топ-клубтары көз тігіп отырғанын естідім, бірақ оның халықаралық тәжірибесін ескерсек, Еуропадан шақырту алуы да алыс емес.

Ең бастысы, Максим осы деңгейін түсірмеуі керек. Оның ойынында айтарлықтай серпіліс болғанын ешкім де жоққа шығара алмайды», – деп атап өтті ресейлік клубтың ардагері.

Еске салайық, РПЛ-дың соңғы төрт турында «Ахмат» вингері Максим Самородов екі гол соғып, дәл сонша нәтижелі пас берді. Өткен маусымда «Ақтөбе» түлегі алты доп соғып, команданың үздік сұрмергені атанған болатын.

Шамиль Лахиялов – Кавказдың ең танымал футболшыларының бірі. Ол «Ахмат» (сол кездегі «Терек») пен «Анжи» сапында 89 гол мен ассист авторы атанған.