ҚФФ президенті кабинетінен айырылды

Кеше, 27 ақпанда, Қазақстан футбол федерациясының кеңсесінде бірқатар өзгерістер болды, деп хабарлайды ASnews.kz.

Атап айтқанда, жұмыс кабинеттерінде орын тапшылығына байланысты ҚФФ президенті Марат Омаровтың кабинетінің сыртында аты-жөні жазылған тақтайша алынып, оның орнына вице-президенттің атауы ілінген.

Бұған дейін бұқаралық ақпарат құралдарында ҚФФ-да құрылымдық өзгерістерге байланысты вице-президент қызметі қайта енгізілетіні туралы ақпарат шыққан болатын.

Сондай-ақ әлеуметтік желілерде бұл қызметке үміткер кандидаттардың есімдері де тарай бастады.

Вице-президент келесі аптада федерация басшылығы мен ұжымға ресми түрде таныстырылады деп күтілуде.