Андрей Карпович «Елімайдан» кетті: ҚПЛ аяқталуына бір тур қалған

Семейлік «Елімайдың» бас бапкері Андрей Карпович тараптардың өзара келісімі бойынша қызметінен ресми түрде кетті, деп хабарлайды ASnews.kz клубтың баспасөз қызметіне сілтеме жасап.

Маман команданы 2023 жылдың қараша айынан бері басқарып келген еді. Карповичтің қызметтен кетуі ҚПЛ-2026 маусымының соңғы туры қарсаңында орын алды: 31 қазанда семейліктер өз алаңында көкшетаулық «Оқжетпесті» қабылдайды. Қазіргі уақытта «Елімай» турнир кестесінде алтыншы орында тұр.

Карповичтің басшылығымен Семей клубы 2024 жылғы маусымда алтыншы орын алса, 2025 жылдың қорытындысы бойынша төртінші сатыға тұрақтап, УЕФА Конференциялар лигасының іріктеу кезеңіне жолдама алған болатын. Дегенмен еурокубоктық науқан сәтсіз аяқталды: іріктеудің алғашқы раундында «Елімай» армениялық «Алашкертке» есе жіберді (сырт алаңда 1:1, өз алаңында 2:2, пенальти сериясында 5:6).

Айта кетейік, Андрей Карпович – Семей футболының түлегі әрі өзінің ойыншы ретіндегі мансабын дәл осы «Елімайда» бастаған. Бұған дейін ол бас бапкер ретінде «Ақтөбе», «Қызылжар» және «Оқжетпес» клубтарын басқарды, сондай-ақ алматылық «Қайрат» пен Қазақстан ұлттық құрамасында бас бапкердің міндетін атқарушы қызметін атқарды.