«Хартстың» экс-футболшысы – Чесноков туралы: Шотландияда жетістікке жете алады

«Хартс» және Литва құрамасының бұрынғы қорғаушысы Саулюс Миколюнас ASnews.kz тілшісіне берген сұхбатында Ислам Чесноковтың Шотландиядағы болашағына баға берді.

«Мен Исламда сол аяғымен жақсы ойнайтын, техникасы мен физикасы жақсы дамыған, гол соғатын батыл жігіт ретінде көрдім. Оның бойында Шотландияда жетістікке жетуге көмектесетін барлық қасиеттер бар, сондықтан ешқандай қиындық болмайды деп ойлаймын. Чемпионаттың жоғары қарқыны мен қысымын ескеру маңызды, бірақ ол екі-үш аптаның ішінде бейімделіп кетеді», – деді экс-футболшы.

Миколюнас Исламға тілді үйрену қажеттілігі туралы да айтты:

«Мен Чесноковта ағылшын тілінің деңгейі қандай екенін білмеймін, бірақ ол жаттықтырушының философиясын түсініп, бейімделіп, баспасөзбен араласуы керек. Ал, егер сәтсіздікке ұшыраса, БАҚ неше түрлі нәрсені жазады (күлді)».

25 жастағы қазақстандық футболшы 2026 жылдың қаңтарында «Хартсқа» ауысады. Бұл ақпаратты команданың бас бапкері Дерек Макиннес растады.

Биылғы маусымда Чесноков 28 матч өткізіп, 10 гол мен 4 нәтижелі пастың авторы атанды.

Миколюнас 2005-2009 жылдар аралығында «Хартс» сапында ойнап, Шотландия кубогын жеңіп алды. Федор Черных екеуі Литва құрамасында ең көп ойын (101) өткізген футболшы ретінде таризқа енген.