Карпович – «Қайратты» жеңгені туралы: мотивациямыз екі есе көп болды

«Елімайдың» бас бапкері Андрей Карпович BorodAbata.kz сайтына берген сұхбатында алматылық «Қайратпен» болған матчты (3:2) қорытындылады.

«Алматыда футбол ойнау жақсы әсер сыйлайды, еліміздегі ең жақсы алаңдардың бірінде доп тебуге мүмкіндік бар. Концерттен кейін газон сәл ескірді деп ойлаймын. Бұл стадионда ойыншыларға қосымша мотивация берудің қажеті жоқ. Синтетика әрі ескірген төсеніште, әсіресе, күн ыстық кезде ешкім ойнағысы келмейді – жергілікті футболшылар да, легионерлер де. Бізге жақсы матч өткіздік, ұйымдасқан түрде ойнадық. Бір нәрсені ұғып алуымыз керек: «Қайрат» – топ-команда, ел чемпионы. Сондықтан біздегі жеңіске деген ынта екі есе көп болды», – деді Карпович.

Осы жеңістің арқасында «Елімай» алматылықтардан үш ұпай алып, Премьер-лига кестесінде төртінші орынға көтерілді.