«Галатасарай» қазақстандық футболшыны қатарына қосты: енді олардың саны екеу

10 жастағы жартылай қорғаушы Бақдәулет Асқар түркиялық «Галатасарай» академиясына қосылды, деп хабарлайды ASnews.kz.

Алматылық FFC түлегі мансабын Түркияның 26 дүркін чемпиондарының сапында жалғастырады. Бұған дейін 2015 жылы туған орталық жартылай қорғаушы «Қайраттың» жүйесінде де өнер көрсеткен.

Айта кетейік, «Галатасарайда» Асқардан бөлек Қазақстан жасөспірімдер құрамасының қорғаушысы Джан Ходжаоглу да өнер көрсетеді:

«Әрине, біз Бақдәулетпен достасып үлгердік. Мен оны базада күн сайын көремін. Қолымнан келгенше көмектесуге тырысамын», – деді Түркияда дүниеге келген 17 жастағы ойыншы.

Еске салайық, Ыстанбұл клубы жетекші еуропалық лигалар үшін көптеген мықты футболшыларды дайындап шығарған. Олардың қатарында Арда Туран, Эмре Белезоглу, Озан Кабак, Бюлент Коркмаз және тағы басқалары бар.

Қазақстан құрамасына үміткер ойыншы «Баварияға» жеңіс сыйлады: оны Данте жаттықтырады