«Тобылдың» жаңа басқарушысы Дүйсенбиев өз міндеттері туралы айтып берді

«Тобылдың» жаңа басқарушысы Айдос Дүйсенбиев ASnews.kz сайтына берген сұхбатында қостанайлық клубтағы жұмысты ұйымдастыру туралы айтып берді.

«Әрине, өз командамды жасақтау туралы ойлап жүрмін. Стратегия, скаутинг және тағы басқа бағыттар бойынша мамандар тарту қажет. Дегенмен футболда тәжірибем жоқ екеніне қарамастан, оны жақсы түсінемін – бала күнімде қатысқанмын және әлі де ойнап жүрмін.

Футбол мен үшін – айтарлықтай жақын спорт түрі. Ал клубқа «кіріп», ішкі процестерді зерттегеннен кейін, нақты көрініс пайда болады. Дабыралы уәде беру ақымақтық болар еді, бірақ біз процестерді басқара алатынымызды және осы бағытта өз үлесімізді қосатынымызды нақты білемін. Бұған шамамыз жетеді деп ойлаймын», – деді Дүйсенбиев.

Еске сала кетейік, «Тобыл» Olzha Agro түріндегі жаңа тең иеге ие болды. Агроөнеркәсіптік холдинг жер банкінің көлемі бойынша Қазақстандағы үздік 100 агрохолдинг рейтингінде бірінші орын алады.

Қостанайлық команда ҚПЛ турнирлік кестесінде жетінші орында тұр. 26-турда Мирослав Ромащенконың шәкірттері Алматыда сенсация жасап, «Қайратты» тас-талқан етті (4:1).

Қостанай облысы әкімінің орынбасары: жаңа демеуші «Тобыл» академиясының деңгейін көтереді

«Тобыл» «Қайратты» жеңгені үшін «Ордабасыдан» миллиондар алады