Қостанай облысы әкімінің орынбасары: жаңа демеуші «Тобыл» академиясының деңгейін көтереді

Қостанай облысы әкімінің орынбасары Бақытжан Нарымбетов ASnews.kz сайтына берген сұхбатында жаңа құрылтайшы Olzha Agro келуімен «Тобыл» жастар футболына үлкен көңіл бөлетінін мәлімдеді.

– «Тобылдың» жастар командасы бірінші лигада көңіл көншітпейтін нәтижелер көрсетіп жүр. Түлектер де негізгі құрамның айтарлықтай бөлігін құрамайды. Жаңа басқарушылармен бірлесе отырып, жастар мен жасөспірімдер футболының мәселесін қалай шешпексіздер?

– Бұл өте орынды сұрақ. Жергілікті атқарушы орган ретінде біз үшін бас командада өз түлектеріміздің ойнағаны маңызды. Әрине, қазіргі нәтижелер қуантпайды. Академияның деңгейін «көтеру» қажет, және біз өз тарапымыздан жергілікті футболшылар тек «Тобылда» ғана емес, таяу және алыс шетел клубтарында да өнер көрсетуі үшін қолдан келгеннің бәрін жасаймыз, – деді Нарымбетов.

Еске сала кетейік, 22 турдың қорытындысы бойынша «Тобылдың» резервтік командасы бірінші лига кестесінде соңғының алдындағы сатыда тұр. Мирослав Ромащенконың құрамында тұрақты түрде қостанайлық мектептің тек үш түлегі ғана алаңға шығады: Сұлтан Бусурманов, Роман Асранқұлов және Жаслан Жұмашев.

Айта кетейік, Olzha Agro агрохолдингі «Тобылдың» жаңа тең құрылтайшысы атанды. Клубтың жұмысына Әлішер Қожаназаров пен Айдос Дүйсенбиев жетекшілік ететін болады.

Өзбекстандық із бе? Көрші елде «Ертіс»—«Оқжетпес» ойынының күмәнді сипаты туралы айта бастады