ҚФФ-да премьер-лиганың 24-турындағы даулы сәттер сарапталды

Қазақстан футбол федерациясының (ҚФФ) төрелік ету және инспекциялау департаментінің директоры Нуну Алешандре Паррейра де Каштру 2026 жылғы премьер-лиганың 24-турындағы негізгі даулы эпизодтар бойынша ресми түсініктеме берді, деп хабарлайды ASnews.kz.

«Қайрат»—«Елімай»

• 18-минут: «Қайрат» ойыншысының (№89) соққысынан кейін доп айып алаңында «Елімай» қорғаушысының (№14) қолына тиді. Бейнеқайталауда қол денеге жақын, табиғи қалыпта тұрғаны және дене аумағын үлкейтпегені, сондай-ақ футболшының қолын тартып алуға тырысқаны көрінеді. Үкім: пенальти белгілеуге негіз болған жоқ, төреші ойынды дұрыс жалғастырды.

• 32-минут: Доп әуелегеннен кейін айып алаңындағы күрес. Шабуылшы тоқтап қалған қорғаушымен соқтығысудан қашу үшін қолын алдына созды. Шабуылшы тарапынан айқын итеру болған жоқ, ал контакт шамалы деп танылды. Үкім: ойынды жалғастыру туралы шешім дұрыс болды.

«Қайсар» – «Оқжетпес»

• 21-минут: Қорғаушы айып алаңында доптың қақпаға енуіне бөгет жасап, әдейі қолмен ойнады, бірақ шабуылшы допты бірден қақпа тордарына бағыттады. Төреші басымдық принципін қолданып, голды есептеді. Үкім: гол дұрыс есептелді, дегенмен қорғаушы тәртіптік жаза алуы тиіс еді (сары немесе қызыл қағаз).

• 45+2-минут: Есептелмеген гол эпизоды. Әуедегі күрес кезінде қорғаушы артқа қарай жылжып, контактты өзі тудырды, ал «Қайсар» шабуылшысы (№91) ереже бұзбай, допты басымен таза ұтып алды. Үкім: төреші голды есептемей, қателік жіберді.

Португалиялық маман Нуну Алешандре Паррейра де Каштру басқаратын қазақстан футбол федерациясының төрелік ету және инспекциялау департаменті премьер-лигадағы даулы сәттердің бейнеталдаулары мен ресми түсініктемелерін жүйелі түрде жариялап тұрады. Бұл тәжірибенің басты мақсаты – төрешілер корпусы жұмысының ашықтығын арттыру және клубтар мен жанкүйерлерге УЕФА мен ФИФА-ның ойын ережелерінің заманауи түсіндірмесін жеткізу.