«Салқынқанды ойнауға тырыстым»: Давид Абагна «Қызылжарға» соққан голы туралы айтты

Шымкенттік «Ордабасының» жартылай қорғаушысы Давид Абагна ASnews.kz тілшісіне берген сұхбатында ҚПЛ-ның 24-турында «Қызылжарды» жеңгеніне (3:0) қатысты пікір білдіріп, соққан голын баяндады және «Оқжетпеске» қарсы өтетін алдағы ойыннан не күтетінімен бөлісті.

«Ойын басынан-ақ ауыр болды, бірақ бізге ерте соғылған гол өте қатты көмектесті – ол бірінші таймның қалған бөлігіне де, кейін екінші таймға да сенімділік сыйлады. Оңай болған жоқ, бірақ біз өз мүмкіндіктерімізді пайдаланып, жеңіске жеттік.

Өз голыма келетін болсақ... Шыны керек, мұндай жағдайларда қақпашымен жеке шығуды аса ұната бермеймін. Өткен жолы осыған ұқсас сәт болып, оны мүлт жіберіп алған едім. Бұл жолы қақпашыдан айла асыру үшін салқынқанды әрекет етуге тырыстым. Құдайға шүкір, гол соғудың сәті түсті.

Келесі матчты «Оқжетпеске» қарсы өткіземіз, оған барынша дайындалуымыз керек, өйткені бізге қайтадан табиғи газоннан жасанды төсенішке ауысуға тура келеді. Бізге осы жеңісті қарқынды сақтап, біртұтас команда ретінде жұмыс істеу және қарсыласты зерттеу қажет. Олардың ойын мәнері басқа, бірақ біз бәсекеге тас-түйін дайын болуға тырысамыз», – деді Абагна.

Давид Абагна «Қызылжарға» қарсы кездесудің (3:0) 64-минутында қақпашымен жеке шығып, мүмкіндікті мүлтіксіз пайдаланды және шымкенттіктердің басымдығын еселей түсті.

24 турдан кейін «Ордабасы» 23 матчта 55 ұпай жинап, Қазақстан чемпионатында сенімді түрде көш бастап тұр. ҚПЛ-ның 25-туры аясындағы «Оқжетпеске» қарсы сырт алаңдағы кездесу 5 қыркүйекте Көкшетауда өтеді.

Қазақстан құрамасының қақпашысы Чемпиондар лигасына шыққан Покатиловқа үндеу жасады

«Солд-аут күтеміз»: «Ордабасы» қақпашысы жанкүйерлерді чемпиондық үшін күресте трибунаны толтыруға шақырды

«Ордабасы» жартылай қорғаушысы Капацина чемпиондық бәсеке туралы пікір білдірді

«Балалық қателіктер жібердік»: Нойок «Қызылжардың» «Ордабасыдан» ұтылуын бағалады