Идрис Умаев қазақ тілін үйреніп жүргенін хабарлады

«Ақтөбе» шабуылшысы Идрис Умаев YouTube-тегі BorodAbata арнасына берген сұхбатында қазақ тілін қалай үйрене бастағанын айтып берді.

«Мен қазақ тілін үйренуге кірісіп кеттім, бірнеше сөз тіркестерін білемін: «кеттік па?» – «пошли?», «рахмет», «қалайсың?», «жейсің бе?» – «будешь кушать?», «не істеп жатырсың?» – «что делаешь?». Ағылшын тілін параллель түрде үйреніп жүргенде қазақ тілі қиынға соғуда», – деді Умаев.

Идрис жаңа елге белсенді түрде бейімделуге тырысатынын және қазақ тілін үйрену осы процестің бір бөлігі екенін мәлімдеді.