Антон Крачковский – Сәтпаев туралы: өзін жоғалтып алмай, жұмыс жасау қажет

«Қайраттың» бұрынғы жартылай қорғаушысы Антон Крачковский BorodAbata.kz сайтына берген сұхбатында клубтың жас таланты, Чемпиондар лигасының іріктеу кезеңінде «Олимпия» қақпасына гол соққан Дастан Сәтпаев туралы пікірімен бөлісті.

«Шынымды айтсам, мен оның ойнағанын көрген емеспін – алматылық клубтың матчтарын үнемі көре бермеймін. Бірақ маңызды сәттерге, әсіресе «Ақтөбеге» және «Олимпияға» соққан голдарына қарасақ, жігіттің өте талантты екені көрініп тұр. Біз бұған дейін бір-бірімізбен кездескен жоқпыз, бірақ оның Конференция лигасы кезінде бізбен бірге «Кишвардамен» болған матчқа барғаны есімде, бізбен бір жаттығу өткізді. Сол кездің өзінде оның 50-60 гол соғатынын айтып жүрген еді.

Оның шынымен де үлкен потенциалы бар. Ең бастысы, өзін жоғалтып алмау қажет. Барлығы менталитетке байланысты: күн сайын жұмыс істеу керек, көзқарасын сақтау керек. Ең қиыны осы. Егер қолынан келсе, үлкен жетістікке жетеді. Оның үстіне, «Челсиге» ауысты, яғни олар да Дастанға сеніп отыр. Оның жетістікке жететініне сенімдімін», - деді Крачковский.

«Қайрат» пен «Олимпия» арасындағы қарымта кездесу 15 шілдеде Алматыда өтеді. Алғашқы матчта командалар тең ойнады – 1:1, алматылықтар сапында Дастан Сәтпаев гол соқты.