«Қайрат» жанкүйерлері «Олимпиямен» болатын ойынға бойкот жариялауы мүмкін

«Қайрат» клубының ресми өкілдері жанкүйерлермен болған жанжалға қатысты пікір білдіруден бас тартты, деп хабарлайды BorodAbata.kz.

Осылайша, командада Орталық стадионда өтетін словениялық «Олимпияға» қарсы қарымта матч алдында ультрастың қолдауынан айырылып қалу қаупі бар.

«Қайраттың» бірқатар жанкүйерлері басшылықпен болған келіспеушілік салдарынан матчтарға келуден бас тартты. Атап айтқанда, 51-ші сектор полицияның көрсеткен агрессиясына клубтың әрекет етпей отырғанына наразы болып отыр.

Чемпиондар лигасының іріктеу кезеңі аясындағы қарымта матч 15 шілдеде өтеді. Алғашқы ойында Рафаэль Уразбахтин шәкірттері «Олимпиямен» тең ойнады (1:1). Жалғыз голды Дастан Сәтпаев соқты.