Покатилов – «Қайратқа» ауысуы жайлы: менің трансферіме қанша ақша төлегенін білмеймін

Қазір әзербайжандық «Сабахта» ойнап жүрген Қазақстан құрамасының қақпашысы Стас Покатилов BorodAbata.kz сайтына берген сұхбатында «Ростовтан» «Қайратқа» ауысқаны жайында айтып берді.

– Сен «Ростовта» тұрақты түрде ойнамасаң да футболшы ретінде өскеніңді айттың. Себебі ол жақтағы жаттығулардың деңгейі Қазақстанға қарағанда әлдеқайда жоғары.

– Сол кезде сондай еді. «Ростовқа» ауыспас бұрын Виталий Кафановпен бірге жұмыс істедім. Ол мені өзімен бірге Ресейге алып кетті.

– «Қайрат» сені сол кезде «Ростовтан» сатып алды ма, әлде сен еркін агент ретінде ауыстың ба? Себебі бұл туралы нақты ақпарат жоқ.

– Ол кезде менің «Ростовпен» жарамлы келісімшартым болды. Басында «Қайрат» мені жалға алды, ал кейінірек толықтай сатып алды. Қанша ақша төлегенін нақты білмеймін.

– Сен сол сәтте Қазақстанға оралуды артқа қарай жасалған қадам деп ойламадың ба?

– Ол кезде маған тұрақты түрде ойнау қажет болды. Қайда екені маңызды емес. Кафановпен ақылдасқан едім, «Ростовтың» негізгі командасында ойнау қиын екенін айтты. Сондықтан «Қайратты» таңдадым.

– Бір ресейлік комментатор «Стас Покатилов – менің сүйікті футболшым» деп айтқан екен.

– Иә, Роман Нагучев айтқан. Онымен Instagram желісінде бұл туралы сөйлестік. Ол әзілдеп айтқан екен. Мені «Шахтермен» бірге Еуропа лигасында ойнаған кезімнен біледі екен.