АПЛ клубының скауты «Қайрат» ойыншысы туралы: Тұяқбаевты бақылап жүрміз

«Ковентри Сити» скауты ASnews.kz сайтына берген сұхбатында ағылшындардың «Қайраттың» шабуылдаушы жартылай қорғаушысы Азамат Тұяқбаевқа қызығушылық танытып отырғанын растады.

«Тұяқбаев – «Ковентри» бақылап жүрген ойыншылардың ауқымды тізімінде бар. Ол дарынды футболшы, бірақ көбірек ойын практикасын алуы керек және алдымен «өтпелі деңгейдегі» командаға ауысқаны дұрыс болар еді. Біз Англияға көшкеннен кейін қиындықтарға тап болған талай таланттарды көрдік.

Қазір клуб мұндай трансферлерге абайлап қарайды, бірақ скауттық қызмет Азаматтың қабілетімен жақсы таныс екеніне сендіре аламын. Оған «Қайраттың» негізгі құрамында өзін көрсету қажет, оның бұған шамасы жететініне күмәнім жоқ», – деді атын атамауды өтінген маман.

Еске салайық, Фрэнк Лэмпард жаттықтыратын команда 18 жастағы Азамат Тұяқбаевты өткен жылдың қазан айынан бері бақылап келеді. Биылғы маусымда алматылықтардың түлегі ҚПЛ-да небәрі үш минут қана ойнады.

Айта кетейік, «Ковентри Сити» Чемпионшиптің «алтынын» жеңіп алып, 2026/27 жылғы АПЛ маусымына жолдама алды. Клуб құрамы 193,9 млн еуроға бағаланып отыр.