«Тобыл» негізгі қорғаушысынан айырылып қала жаздады: легионер жарақаттан аман қалды

Черногориялық қорғаушы Марко Вукчевич алған жеңіл жарақатынан кейін қайтадан қатарға қосылды, деп хабарлайды ASnews.kz.

32 жастағы қаптал қорғаушысы Қазақстан Премьер-лигасының жетінші турында «Каспиймен» болған матчта (2:1) екінші таймда алаңға шыққан еді. Алайда ойынның 90-минутында санның артқы бөлігін ұстап, алаңнан кетуге мәжбүр болды. Оның орнына Мейрамбек Қалмырза шықты.

Қазіргі таңда балқандық футболшы жалпы топпен бірге, бірақ жеңілдетілген режимде жаттығып жүр. Сақтық шарасы ретінде ол Қазақстан Кубогы аясында «Астанамен» болатын ойынға қатыспауы мүмкін. Дегенмен келесі турда алаңға шығуға дайын болады деп күтілуде.

Еске салайық, Жаслан Жұмашевтың дублінің арқасында «Тобыл» биылғы маусымдағы алғашқы жеңісіне қол жеткізді. Команданың жаңа бас бапкері болып Беларусь маманы Мирослав Ромащенко тағайындалды.

Марко Вукчевич осы маусымда жеті матч өткізіп, бір нәтижелі пас берді. Бұған дейін ол Сербияның «Войводина» және Боснияның «Борац» клубтарында өнер көрсеткен.

Ромащенко – Жұмасқалиевтің кетуі туралы: оның «Тобылда» қалғанын қаладым