Легионер – Ромащенконың «Тобылдағы» тактикасы туралы: допты алға лақтыру болмайды

Бұған дейін Мирослав Ромащенконың қол астында жұмыс істеген қорғаушы Ясмин Челикович ASnews.kz сайтына берген сұхбатында маманның қостанайлық «Тобылды» тізгіндегеніне қатысты ойымен бөлісті.

«Ол командаға өте көп позитивті энергия әкеледі. Оның жетекшілігімен клуб тек алға басады деп есептеймін. Ромащенко агрессивті, динамикалық, жылдам және тиімді футболды қалайды. Қарапайым тілмен айтқанда, ол доптың аяқтан аяққа қысқа пастармен жетуін ұнатады, ұзын пастар мен допты алға жай лақтыра салуға қарсы», – деді босниялық футболшы.

Сондай-ақ қорғаушы бапкердің жүйелі тәсілі «Тобылдың» дамуына көмектесетінін атап өтті:

«Оның футболға қатысты идеялары мен пысықталған схемалары команда ойынын бұдан да жоғары деңгейге көтеретініне сенімдімін. Ол тез бейімделіп кетеді, өйткені өз ісінің шебері және не істеу керектігін жақсы біледі», – деді Челикович.

Беларусьтік маманның дебюттік матчында «Тобыл» ақтаулық «Каспийді» 2:1 есебімен жеңді. Кейін дәл осындай есеппен қостанайлықтар «Астанаға» қарсы жеңіске жетіп, Қазақстан Кубогының 1/4 финалына жолдама алды.

Челикович «Ахмат» сапында Мирослав Ромащенконың баптауымен 22 матч өткізген.

Ромащенко – Жұмасқалиевтің кетуі туралы: оның «Тобылда» қалғанын қаладым